Lerikdə evdə partlayış - İki nəfər yaralandı

Lerikdə evdə partlayış olub, iki nəfər xəsarət alıb.

Teleqraf.com xəbər verir ki, hadisə axşam saatlarında rayonun Noda kəndində baş verib.

Rayonunun Noda kənd sakinləri 1969-cu il təvəllüdlü Asif Əliabbas oğlu Məmmədov və onun həyat yoldaşı 1970-ci il təvəllüdlü İlhamə Mürsəl qızı Məmmədova maye qaz balonunun partlaması nəticəsində ağır yanıq xəsarətləri alıblar.

Yaralılar Lənkəran Rayon Mərkəzi Xəstəxanasına çatdırılıblar. İ.Məmmədovanın vəziyyəti daha ağır olduğundan reanimasiya şöbəsinə yerləşdirilib.

Faktla bağlı araşdırma aparılır.