Musa Qasımlı Rüstəmxanlının dairəsinə getdi

Ötən seçkilərdə 42 Sumqayıt şəhər Seçki Dairəsindən millət vəkili seçilən Musa Qasımlı bu dəfə parlament seçkilərinə başqa dairədən qatılacaq.

Bu barədə Axar.az-a açıqlamasında millət vəkili özü bildirib. Onun sözlərinə görə, o, artıq 72 saylı Yardımlı rayon Seçki Dairəsindən namizədliyini irəli sürüb və sənədlərini DSK-ya təqdim edib.

Musa Qasımlı 2005-ci ildə 69 saylı Cəlilabad-Masallı-Biləsuvar Seçki Dairəsindən namizədliyini irəli sürsə də, seçicilərin səsini qazana bilməmişdi. 2010-cu ildə isə M.Qasımlı 42 saylı Sumqayıt şəhər ikinci Seçki Dairəsindən deputat seçilmişdi. YAP hazırda 42 saylı Sumqayıt ikinci Seçki Dairəsindən Tahir Mirkişilini namizədliyini irəli sürüb.

Qeyd edək ki, Vətəndaş Həmrəyliyi Partiyasının sədri, xalq şairi Sabir Rüstəmxanlı bir neçə dəfə ardıcıl 72 saylı Yardımlı Seçki Dairəsindən millət vəkili seçilib. Bu dəfə onun sözügedən dairədən namizəd olub-olmayacağı dəqiqləşməyib.