Millət vəkili Parisə və Nyu-Yorka səfər edəcək

Milli Məclisin deputatı, Avropa Şurası Parlament Assambleyasının Miqrasiya, qaçqınlar və məcburi köçkünlər komitəsinin sədri Sahibə Qafarova qurumun Bərabərlik və qeyri-diskriminasiya komitəsinin iclasında iştirak etmək üçün martın 10-da Fransanın paytaxtı Parisə səfər edəcək.

Teleqraf.com xəbər verir ki, yığıncaqda qadınların ictimai-siyasi həyatda fəallığının artırılması, terrorizmlə mübarizədə qadınların rolu, dini azlıqlarda uşaq və ailə hüquqlarının müdafiəsi, Avropada antisemitizmə qarşı mübarizə mövzularında müzakirələr aparılacaq.

Millət vəkili müzakirə olunacaq məsələlər barədə fikirlərini açıqlayacaq.

Sonra Sahibə Qafarova ABŞ-a yola düşəcək. Millət vəkili AŞPA-nın nümayəndəsi olaraq 14-15 mart tarixlərində Nyu-Yorkda BMT Baş Assambleyasının iclası çərçivəsində keçiriləcək tədbirlərə qatılacaq. Səfər martın 17-də başa çatacaq.

Nemət