Sumqayıt təmsilçisi yoxlama oyunu keçirib

Premyer Liqanın 3-cü turu çərçivəsində keçirilməli olan "Qəbələ"-"Sumqayıt" oyunu təxirə salındığı üçün “Sumqayıt” komandası yaranmış fasilədən maksimum yararlanaraq iki yoxlama oyununa çıxıb.

Klubun mətbuat xidmətindən Teleqraf.com-a bildirilib ki, komanda 1-ci divizion təmsilçisi "Səbail" klubu ilə görüşüb. "Kapital Bank Arena"da keçən görüş 5:1 hesabı ilə başa çatıb. "Şahdağ"la keçirilən yoxlama oyunu isə 1:0 hesablı qələbə ilə bitib.