Arda Turan transferi tamamlandı

"Qalatasaray"a transferi gözlənilən Arda Turandan xoş xəbər var.

Teleqraf.com-un xəbərinə görə, transfer dövründə tərəfdarlarının sərt reaksiyasından ehtiyat edən Arda Turan bu dəfə "Qalatasaray"a qayıtmağa razı olub. O, tanıdığı nüfuzlu bir şəxsin sözünü yerə sala bilməyib. Lakin həmin şəxsin adı açıqlanmır.

2011-ci ilin avqustunda "Qalatasaray"ı tərk edən və İspaniyaya gedən Arda Turan altı illik qürbətdən sonra Türkiyəyə dönməyə hazırlaşır.

Arda Turan əslində yaz transfer dövründə gəlməli idi.

"Narahat olmayın, mən "Qalatasaraya" gəlməyəcəyəm Barselonada qalacağam!" deyən Arda Turan axır ki, fikrindən daşındı.

İdman cameəsinin görkəmli adlarından biri təcrübəli futbolçu ilə görüşdü və ondan vətənə, "Qalatasaray"a dönməsini istədi və Arda da bununla razılaşdı.

30 yaşlı futbolçu "Barcelona"nın bu mövsümdə keçirdiyi 7 matçdan cəmi birində oynayıb.