GL: “Qarabağ” “Roma”ya məğlub oldu - Yeniləndi

14:00

UEFA Gənclər Liqasının qrup mərhələsinin 2-ci turu çərçivəsində "Qarabağ" U-19 “Roma” U-19 ilə qarşılaşır.

Teleqraf.com xəbər verir ki, oyunu rumıniyalı hakimlər briqadası idarə edir.

Xatırladaq ki, Rəşad Sadıqovun komandası ilk turda "Çelsi"yə 0:5 hesabı ilə məğlub olub.

***

14:15

Qarşılaşmanın 11-ci dəqiqəsində “Roma”nın 9 nömrəli futbolçusu Jan Kelar “Qarabağ”ın qapısına yol tapıb.

***

14:47

Qarşılaşmanın birinci hissəsi qonaqların 1:0 hesablı qələbəsi ilə başa çatıb.

***

15:19

Oyunun 59-cu dəqiqəsində Kelar özünün və komandasının 2-ci qolunu "Qarabağ"ın qapısından keçirib:

"Qarabağ" U-19 0-2 "Roma" U-19

***

15:36

"Qarabağ" U-19 və "Roma" U-19 klubları arasında baş tutan qarşılaşmada qonaq komanda 3-cü topu vurub. Oyunun 76-cı dəqiqəsində 10 nömrəli italiyalı futbolçu Mirko Antonuççi fərqlənib.

***

"Qarabağ"ın 19 yaşlardan ibarət komandası "Roma"lı həmyaşıdlarına 0-3 hesabı ilə məğlub olub.