“Lester Siti”nin baş məşqçisi istefaya göndərildi

İngiltərənin “Lester Siti” futbol klubunun baş məşqçisi Klod Püel Premyer Liqanın 27-ci turunda "Kristal Pelas"a 4:1 hesabı ilə məğlub olduqdan sonra istefaya göndərilib.

57 yaşlı fransalı mütəxəssis 2017-ci ilin oktyabr ayından “Lester Siti”nin baş məşqçisi kimi çalışırdı.

Fransalı məşqçi daha öncə “Monako”, “Lion”, “Nitsa”, “Sauthempton” kimi komandalarda baş məşqçi vəzifəsində çalışıb.

“Lester Siti” hazırda turnir cədvəlində 32 xalla 12-ci yerdədir. Turnirə 66 xalla “Liverpul” klubu liderlik edir.