"Ronaldonun yoxluğu hiss olunur" - Bonuççi

"Yuventus"un müdafiəçisi Leonardo Bonuççi Kriştiano Ronaldonun Turin təmsilçisindən "Mançester Yunayted"ə keçidindən danışıb.

Teleqraf.com xəbər verir ki, 34 yaşlı futbolçu portuqaliyalının yoxluğunun hiss olunduğunu deyib:

"Dünyanın ən yaxşı oyunçusunun "Yuventus" üçün bütün qələbələri təkbaşına təmin edə biləcəyini düşünürük. Ronaldonun varlığı bizə çox təsir etmişdi. Əlbəttə ki, onunla oynamaq möhtəşəm təcrübə idi. O, komandaya kuboklar da qazandırdı. Ronaldonun yoxluğu hiss olunur".

Qeyd edək ki, Ronaldo ötən ay "Mançester Yunayted" ilə 2+1 illik müqavilə imzalayıb.