Azərbaycan millisi Qətərlə heç-heçə etdi - Yoldaşlıq oyunu

Futbol üzrə Azərbaycan millisi yoldaşlıq oyunu keçirib.

Teleqraf.com xəbər verir ki, Canni De Byazinin baş məşqçi olduğu kollektiv Bakıda Qətər yığması ilə qarşılaşıb. Bakı Olimpiya Stadionunda oynanılan və litvalı FIFA referisi Donatas Rumşas idarə etdiyi görüş 2:2 hesablı heç-heçə ilə başa çatıb.

Qarşılaşmada hesabı qonaqlar açıblar. 23-ci dəqiqədə Almez Əli fərqlənib. 37-ci dəqiqədə Emin Mahmudov özünə qarşı kobudluqdan sonra təyin olunan penaltini dəqiq yerinə yetirməklə tarazlığı bərpa edib. İlk hissə qarşılıqlı qollarla yekunlaşıb. İkinci yarıya daha yaxşı başlayan Azərbaycan millisi 67-ci dəqiqədə rəqibi növbəti dəfə meydanın mərkəzinə dəvət edib. Mahmudov özünün və komandasının 2-ci qoluna imza atıb. Yeri gəlmişkən, bu, 29 yaşlı yarımmüdafiəçinin yığmadakı 8-ci qolu olub. Matçda son nöqtəni isə Qətərin heyətində Almez Əli qoyub. 25 yaşlı hücumçu 78-ci dəqiqədə dubluu rəsmiləşdirib.

Matçın əsas vaxtına əlavə olunmuş 2-ci dəqiqədə Mahmudovun yerinə meydana daxil olan "Zirə"nin müdafiəçisi Cəlal Hüseynov yığmada debüt edən 257-ci oyunçu kimi tarixə düşüb.

Qeyd edək ki, Azərbaycan millisinin 2021-ci ildəki son oyunu olub