İlham Zəkiyev Avropanın ən güclüsü oldu - 8-ci dəfə

Azərbaycanın paracüdo üzrə milli komandasının üzvü İlham Zəkiyev Avropa çempionatının qalibi olub.

Teleqraf.com xəbər verir ki. İtaliyanın Kalyari şəhərində keçirilən çempionatda o bütün rəqiblərinə qalib gələrək çempionatın qızıl medalını qazanıb. Beləliklə, 42 yaşlı ikiqat Olimpiya və ikiqat dünya çempionu İlham Zəkiyev 8-ci dəfə Avropanın ən güclüsü olub.

Azərbaycan millisinin digər üzvləri Zakir Mislimov, Xatirə İsmiyeva və Dürsədəf Kərimova isə bürünc medala sahib olublar.

Qeyd edək ki, millimiz 1 qızıl və 5 bürünc olmaqla Avropa çempionatını ümumilikdə 6 medalla tamamlayıb.