DÇ-2022: Fransa millisi yarımfinalda - Yenilənib

Dünya çempionatının son 1/4 final oyununda ingilislər Fransa səddini aşa bilmədilər.

Teleqraf.com xəbər verir ki, qarşılıqlı hücumlarla keçən qarşılaşma 2:1 Fransa millisinin xeyrinə başa çatıb.

***

00:45

Qətərdə keçirilən dünya çempionatının son 1/4 final oyunu - İngiltərə -Fransa qarşılaşmasında növbəti penalti təyin olunub.

Teleqraf.com xəbər verir ki, fransızların qapısına təyin olunan penalti zərbəsini Harri Keyn uğurla başa çatdıra bilməyib.

***

00:37

İngiltərə və Fransa qarşılaşmasında fransızlar ikinci dəfə hesabda irəli çıxmağı bacarıq.

Teleqraf.com xəbər verir ki, bu dəfə 78-ci dəqiqədə Olivye Jiru fərqlənib.

***

00:14

İngiltərə və Fransa yığmaları arasındakı oyunda ingilislər hesabı bərabərləşdirdilər.

Teleqraf.com xəbər verir ki, Harri Keyn 54-cü dəqiqədə penalti zərbəsini qolla taclandırıb.

***

00:09

İngiltərə və Fransa yığmaları arasındakı oyunun ikinci hissəsi başladı.

Teleqraf.com xəbər verir ki, bu Qətərdə keçirilən dünya çempionatının son 1/4 final oyunudur.

***

23:50

Qətərdə keçirilən dünya çempionatının son 1/4 final oyununda birinci hissə başa çatıb.

Teleqraf.com xəbər verir ki, İngiltərə və Fransa qarşılaşmasının ilk hissəsi 0:1 hesabı ilə başa çatıb.

Qeyd edək ki, qarşılaşma Bakı vaxtı ilə saat 23:00-da başlayıb. Hələlik oyunda yeganə qolu Orelyen Çuameni vurub.

***

23:18

İngiltərə və Fransa yığmaları arasındakı oyunda hesab açılıb.

Teleqraf.com xəbər verir ki, Fransa yığmasının üzvü Orelyen Çuameni fərqlənib. O 17-ci dəqiqədə vurduğu qolla fransızları önə çıxarıb.

***

23:02

İngiltərə və Fransa yığmaları arasındakı oyuna start verildi.

Teleqraf.com xəbər verir ki, qarşılaşma Bakı vaxtı ilə saat 23:00-da başlayıb.

***

21:51

Qətərdə keçirilən dünya çempionatının 1/4 final oyununda üz-üzə gələcək İngiltərə və Fransa yığmalarının start heyətləri açıqlanıb.

Teleqraf.com-un məlumatına görə, komandalar meydana aşağıdakı heyətlə çıxacaqlar:

İngiltərə: Cordan Pikford, Kayl Uolker, Luk Şou, Deklan Rayz, Con Stounz, Harri Maquayr, Cordan Henderson, Harri Keyn (K), Bukayo Saka, Fil Foden, Cud Bellingem

Fransa: Uqo Loris (K), Jül Kunde, Dayo Upamekano, Rafael Varan, Teo Ernandes, Orelyen Çuameni, Adrien Rabyo, Antuan Qrizmann, Kilian Mbappe, Usman Dembele, Olivye Jiru

Oyun Bakı vaxtı ilə saat 23:00-da başlayacaq.