“Qarabağ” və “Qalatasaray” oyunu harda yayımlanacaq?

“Qarabağ” və “Qalatasaray” klubları arasında keçiriləcək xeyriyyə oyununu yayımlayacaq kanallar bəlli olub.

Teleqraf.com xəbər verir ki, martın 26-da baş tutacaq matç Türkiyədə “Haber Global” vasitəsilə nümayiş etdiriləcək. Azərbaycanda isə matçın yayımçısı “CBC Sport” kanalı olacaq.

Görüş Bakı Olimpiya Stadionunda saat 20:00-da start götürəcək.

Xeyriyyə oyununda əldə ediləcək gəlir Türkiyədə baş vermiş zəlzələdən əziyyət çəkənlərə yardım üçün göndəriləcək.