PSJ-nin qapıçısı 3 həftədən sonra komadan ayıldı

Üç həftədir reanimasiyada olan Fransanın PSJ klubunun qapıçısı Serxio Riko komadan ayılıb.

Teleqraf.com xəbər verir ki, bu barədə ispaniyalı qolkiperin xanımı Alba Silva "Telecinco" kanalına açıqlama verib.

"Nəhayət, tunelin sonunu görürük. Addım-addım gedirik. Əvvəldən bilirdim ki, Serxio bu işin öhdəsindən gələcək. Çünki əsl çempiondur", - o bildirib.

Qeyd edək ki, Serxio Riko ölkəsində istirahətdə olarkən atdan yıxılaraq başından ciddi xəsarət alıb.