Millimiz koreyalılara uduzdu

Yeniyetmələrdən ibarət milli komandamız nüfuzlu beynəlxalq futbol turnirində ardıcıl növbəti məğlubiyyətini yaşayıb.

FIFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə iştirak edən 1997-ci il təvəllüdlü futbolçulardan ibarət Azərbaycan yığması bu gün növbəti oyununu keçirib.

Teleqraf.com-un məlumatına görə, futbolçularımız ikinci qrup mərhələsinin H qrupunda Koreya Respublikası yığması ilə qarşılaşıblar.

Peterburqski İdman-Konsert Kompleksində keçirilən oyun koreyalıların 3:0 hesablı qələbəsi ilə başa çatıb.

Qeyd edək ki, bundan əvvəl millimiz Sankt-Peterburq komandasına 2:4 hesabı ilə məğlub olmuşdu.