Azərbaycandan Tbilisiyə 200-dən çox karateçi gedib

Tbilisidə idmanın karate növü üzrə dünya çempionatı başlayıb.

Gürcüstan Milli Karate Federasiyasının prezidenti Kaxa Basilia AZƏRTAC-a bildirib ki, karatenin dörd növü üzrə keçirilən çempionatda 6 yaşdan 60 yaşınadək idmançılar mübarizə aparacaqlar.

Yarışlarda 52 ölkədən 1800 idmançı iştirak edir. Azərbaycan bu çempionatda 200-dən çox nümayəndə ilə təmsil olunur.

Çempionata mayın 4-də yekun vurulacaq.