"Qarabağ" braziliyalı futbolçu ilə vidalaşdı

"Qarabağ" futbol klubu Danilo Diasla yollarını ayırıb.

Teleqraf.com klubun saytına istinadən məlumat verir ki, 2014/2015 mövsümündə "Qarabağ"ın formasını geyinmiş braziliyalı yarımmüdafiəçi ilə müqaviləyə xitam verilib.

30 yaşlı futbolçunun Ağdam təmsilçisi ilə müqaviləsi 2016-cı ilin yayında başa çatacaqdı.

Qeyd edək ki, 2015-2016 mövsümlərarası fasilədə 10 futbolçu transfer edən "Qarabağ"ın bir neçə oyunçu ilə yolları ayrılıb.