Neymar uzun illər “Barselona”nın formasını geyəcək

“Barselona”nın futbolçusu Neymar uzun illər Kataloniya klubunun şərəfini qorumaq fikrindədir.

Bunu braziliyalı hücumçunun atası İspaniya mətbuatın açıqlamasında deyib:

“Neymarın “Barselona” ilə yeni müqavilə imzalayacağı dəqiqdir. Ancaq onun hələ üç illik sözləşməsi var. Buna görə də tələsmək lazım deyil. Oğlum burada xoşbəxtdir, dəyişikliyə gərək yoxdur. O, uzun illər “Barselona”nın formasını geyəcək”.

Daha öncə Neymarın "Mançester Yunayted"ə transfer olunacağı iddia edilirdi.

Qeyd edək ki, Neymar bu mövsüm 14 qolla La Liqanın bombardiridir.