“Beşiktaş” 32 milyon avrodan imtina etdi

“Beşiktaş” Çin klublarının iki futbolçusuna görə edilən 32 milyon avroluq təklifini rədd edib.

Çinlilər İstanbul klubunun ulduzu Rikardo Kuarejma üçün 17 milyon avro, Sosaya görə isə 15 milyon avro təklif edib. Amma “Beşiktaş” rəhbərliyi “bu mövsüm çempionluğu düşünürük, mövsümün sonunda görüşərik” deyərək, təklifi geri çevirib.

Son vaxtlar bir sıra ulduz futbolçular Çinə üz tutub. Teyşeyra, Ramires, Jervinyo, Cekson Martines və Fredi Quarin kimi futbolçular karyeralarını Çində davam etdirəcək.