Zidan: "Ronaldo finalda..."

"Finala yaxşı hazırlaşmışıq. Nəticəni bu oyuna münasibətimiz müəyyənləşdirəcək. Oyunçularımın çoxunda qələbə qazanmaq istəyimi görürəm".

Qol.az-ın İspaniya mətbuatına istinadən yaydığı xəbərə görə, bu sözləri "Real"ın baş məşqçisi Zinəddin Zidan Çempionlar Liqasının finalında "Atletiko" ilə oyun öncəsi deyib.

O, qarşılaşma ərzində yaxşı müdafiə olunmalı olduqlarını bildirib:

"Hücumda güclü qol silahlarımız var. Ancaq müdafiədə də yaxşı oynamalıyıq".

Fransalı mütəxəssis deyib ki, final oyunu asan olmayacaq:

"Çətin anlar yaşayacağıq. Bu normaldır. Çünki final matçıdır. Qələbə qazanmaq üçün çətin vəziyyətlərin öhdəsindən gəlməliyik".

Z.Zidan komandanın futbolçusu Kriştiano Ronaldonun "Atletiko" ilə oyuna tam hazır olduğunu deyib:

"Ronalda 100 faiz hazırdır. Kiçik problemi olsa belə, bunu Çempionlar Liqasının finalında unudacaq".