İkimərtəbə qatarların sayı 5-ə çatdı

“Stadler Rail Group” şirkətinin “Stadler Minsk” zavodunda istehsal olunmuş KİSS markalı ikimərtəbəli daha iki elektrik qatarı Bakı sərnişin stansiyasına gətirilib.

“Azərbaycan Dəmir Yolları” Qapalı Səhmdar Cəmiyyətindən Teleqraf.com-a bildirilib ki, artıq ölkəmizdə beş ikimərtəbəli elektrik qatarı fəaliyyət göstərir.

“Stadler Rail Group” şirkətinin “Stadler Minsk” zavodunda istehsal olunmuş KİSS markalı elektrik qatarının birincisi 2015-ci il mayın 30-da, ikincisi - mayın 31-də, üçüncüsü isə avqustun 20-də Bakı sərnişin stansiyasına gətirilmişdi.

Hər biri 4 vaqondan ibarət olan elektrik qatarlarında sərnişinlərin tələbatını ödəmək üçün hər cür şərait var. Qatarın ümumi sərnişin tutumu 919 nəfər, oturaq yerlərin sayı 396, bunun da 84-ü biznes-sinfinə aiddir.

İlhamə