Böhran Beynəlxalq Bankın Moskva filialına təsir göstərib?

Rublun dəyərdən düşməsi prosesinin yaxın vaxtlarda Azərbaycan Beynəlxalq Bankının (ABB) Rusiyada törəmə qurumu olan "ABB-Moskva" ASC üçün ciddi problem yaradacağı gözlənilmir.

ABB-nin baş direktoru Elmir Həbibullayev bildirib ki, rublun məzənnəsinin dəyişməsi aktivlərin dəyərinin artıb-azalmasına səbəb ola bilər.

Bu günə olan statistik göstəricilərə görə, Rusiyadan Azərbaycana və əks istiqamətə göndərilən pulların balansında ciddi dəyişiklik müşahidə olunmadığını və gözlənilmədiyini diqqətə çatdıran E.Həbibullayev vurğulayıb ki, müəyyən müddətdən sonra Rusiyadakı böhran iqtisadiyyat üçün real problem yaradarsa, "ABB-Moskva"ya da təsir edə bilər.