Sevgilisindən qalmaqallı şəkildə ayrılan müğənni ərə gedir

Aktyor sevgilisi Ahmet Kuralla qalmaqallı şəkildə ayrılan Türkiyənin məşhur müğənnisi Sıla Gençoğlunun "Masterchef" aşpaz müsabiqəsindən sonra məşhurlaşan Hazer Amani ilə ailə quracağı iddia edilib.

Teleqraf.com xəbər verir ki, bir neçə gün öncə Beşiktaşda avtomobilin içində səmimi görüntüləri yayılan cütlüyün toy hazırlıqlarına başladığı bildirilir.

Sevgili olduqlarına dair xəbərləri təkzib edən Sıla və Hazerin Bodrumda birlikdə yaşadığı deyilir. Məlumata görə, Sılanın ailəsi bu münasibətə qarşıdır.

Qeyd edək ki, müğənni aktyor sevgilisindən qalmaqallı şəkildə ayrılmışdı. Aktyorun ona şiddət tətbiq etdiyini iddia edən müğənni sevgilisini məhkəməyə vermişdi. Sıla ilə Ahmet Kuralın məhkəməsi hələ davam edir.