Artıq başlayıram: "Sən və mən" - Xumar Qədimova elə sözlər dedi ki...

Əməkdar artist Xumar Qədimova Teleqraf.com-un suallarını cavablandırıb.

Onunla qısa müsahibəni təqdim edirik.

- Xumar xanım, "Şuşa" adlı mahnınızı təqdim etdiniz. Şuşada konsert verməyi düşünürsünüz?

- Belə bir konsert verməyi düşünürəm. Çox möhtəşəm bir musiqi bayramı olar. Şuşada konsert verməyə haqqım var. Çünki mən Şuşa dərdindən yazmışam, oxumuşam, bəstələmişəm.

- Şuşaya getmisinizmi?

- Şuşaya kiçik yaşlarımda getmişəm. Şuşa azad edildikdən sonra getməmişəm. İnşallah, yaxın günlərdə gedərik. Nə qədər ki, həyat var, o qədər Azərbaycan və Şuşa var olacaq. Məncə, "Şuşa" əsərinə Şuşada klip də çəkə bilərik.

- Son günlər televiziyalara çıxmırsınız...

- Sənətində yeniliklər olmalıdır ki, televiziyaya çıxasan. Mən yeniliklər olanda televiziyaya çıxıram. Artıq başlayıram... "Şuşa" mahnısının ardından gözəl bir sevgi nəğməsi gəlir, "Mən və sən" adlanır. Möhtəşəm bir sevgi əsəridir.

- Şou-biznesdə rəqabət yoxdur. Bunun səbəbi nədir?

- Şou-biznesdə rəqabət görmürəm. Sənəti, yaxşını görmək lazımdır.

- Yunus Əmrənin sözlərinə bəstələdiyiniz "Aşk neylədi" mahnısını ifa etdiniz. Türkiyə şou-biznesinə qatılmağı düşünürsünüzmü?

- Türkiyədə çox tanınıram və sevilirəm. Türkiyə ilə bağlı layihə edəcəm. Orada Yunus Əmrə ilidir. İfa etdiyim "Aşk neylədi" mahnısı Türkiyədə çox sevildi.