27 Noyabr 2021 10:31
885

Xalq artisti Röya Ayxan sosial şəbəkə hesabında qadına qarşı zorakılıq mövzusu ilə bağlı paylaşım edib.

Teleqraf.com xəbər verir ki, sənətçi şiddət görən qadınlara bu əziyyətə səssiz qalmamalarını, aidiyyatı qurumlara müraciət etmələrini tövsiyə edib.

“Heç bir kəs düşünməsin ki, qadın zəifdir və onu əzə bilər. Bəzi hallarda yanınızdakı dostlar “heç nə edə bilməzsən”, “onsuzda həmişə belə olacaq”, “Döz! Döz! Döz!” deyəcək. Axırda da gəlib hamının qarşısında səni öldürür. Ona görə də heç kimə qulaq asmayın. Hər bir insanın qorxduğu yer, şəxs var. Ən əsası qanun var. Nə badə siz şiddət görüb də susasız. Anında lazımi qurumlara müraciət edin. Mən də sizin yanınızdayam!”.


Müəllif: Rəqsanə Həsənova