Yıxılıb zədə alan Xalq artistinin son durumu - Qızı danışdı

Xalq artisti Ənvər Həsənov xəstəxanaya yerləşdirilib.

Xalq artistinin qızı Aytən Həsənova Teleqraf.com-a atasının səhhəti haqda məlumat verib: "Hazırda atamın səhhəti orta-ağırdır. Mərdəkanda 26 saylı Birləşmiş Şəhər Xəstəxanasındayıq. Atamı xəstəxanaya avqustun 26-da təcili yardım vasitəsi ilə gətirdik. Əslində, həmin günü səhər xəstəxanaya gətirmişdim, amma burada qalmaq istəmədi. Həkimə dedi ki, evdə ailəm baxacaq.

Evə gələndən sonra isə təzyiqi düşüb, yıxılıb, başı şkafa dəyib, zədə alıb. Bu gün analizlər verilib. Səhər səhhəti çox pisləşmişdi. Ürəyi anju olmalıdır, oksigen çatışmır. Damar tıxanıqlığı var".