Şəbnəm Tovuzlu ərinin üzünü göstərməsindən danışdı - Video

Müğənni Şəbnəm Tovuzlu Xəzər televiziyasında yayımlanan "Xəzər axşamı" verilişində həyat yoldaşı Hacı Ramildən danışıb.

Teleqraf.com xəbər verir ki, Şəbnəm Tovuzlu həyat yoldaşının üzünü göstərməsinə belə münasibət bildirib:

“Artıq doqquz ildir ailəliyik. O, özünü göstərməyi, reklam etməyi sevmir. Bu, normaldır və illərdir ki, bəyin fikrinə hörmət etmişəm. Amma bir söhbət oldu, dostumuz Əli var. Sosial şəbəkələrə baxırıq, körpəyə o qədər xoşagəlməz sözlər yazırlar ki, bu, Azərbaycan xalqına yaraşmır. Sözlərimi hər kəsə şamil etmirəm, 20 faiz insan bambaşqa sözlər deyir.

O da insandır, düşündü ki, artıq 9 ildir. Dedi, Əli ilə şəklini özü paylaşacaq, kim nə deyirsə, elə özünə desin. Maşallah, körpənin atası, ad, soyadı varsa, ona heç kim nəsə deyə bilməz. Allah bütün övladları atalı-analı böyütsün".

Qeyd edək ki, Şəbnəm Tovuzlu bir neçə gün öncə ilk dəfə sosial şəbəkədə həyat yoldaşı Hacı Ramilin və oğlu Əlinin fotosunu paylaşıb.