"Mübariz" filmi təqdim edildi - Foto

Nizami Kino Mərkəzində Milli Qəhrəman Mübariz İbrahimovun həyatına həsr edilən "Mübariz" adlı tam metrajlı bədii filmin təqdimatı baş tutub.

Teleqraf.com xəbər verir ki, filmin rejissoru Natiq Novruzov “Mübariz" filmi haqqında məlumat verib:

“Ekran əsəri Mübariz İbrahimovun sücaəti haqqındadır. Film Mübariz İbrahimovun döyüş postlarında çəkilib”.

Ssenarist Nicat Əjdər deyib ki, bu film Azərbaycanın gəncləri üçün bir örnək olacaq: "Quruluşçu rejissor Natiq Novruzov başda olmaqla gözəl bir iş ərsəyə gətirdik”.

Türkiyəli rejissor Murat Yontan isə bildirib ki, keyfiyyətli bir film ortaya çıxıb: “Çox gözəl film alınıb. Azərbaycan Milli Qəhrəmanının hekayəsindən bəhs edir. İnşallah, Azərbaycan xalqı bəyənəcək. Hər kəsə uğurlar arzu edirəm” .

Türkiyəli prodüser Yalçın Çoban “Mübariz” filminin duyğusal ekran əsəri olduğunu deyib: “Film Mübariz İbrahimovun həyatından bəhs edir. Güvənərək bu yola çıxdıq. Layihənin iştirakçısı kimi çox şad oldum”.

Qeyd edək ki, "Mübariz" filmində xalq artisti Şamil Süleymanov, aktrisa Flora Hüseynova, Mehman İbadov, Riqlay Əlisoy çəkiliblər.