Maskın keçmiş xanımı “Taxt Oyunları”nın aktyoru ilə evləndi

“Tesla” və “Space X”in İlon Maskın keçmiş həyat yoldaşı Talula Rayli yenidən evlənib.

Teleqraf.com xəbər verir ki, britaniyalı aktrisa Talula Rayli “Taxt Oyunları” serialının aktyoru Tomas Brodi-Sanqsterlə evlənib.

38 yaşlı Rayli və 34 yaşlı Brodi-Sanqster 2021-ci ildə çəkiliş zamanı tanış olublar. Cütlük ötən ilin iyulunda nişanlanıb, həmin zaman İlon Mask öz "X"sosial şəbəkəsində onları təbrik edib.

Qeyd edək ki, Maskla Rayli 2010-2012, 2013-2016-cı illərdə evli olub.