Gülnarə Xəlilovanın əsərləri Kapadokyada təqdim edildi- Foto

Dizayner Gülnarə Xəlilovanın əsərlərində qədim Azərbaycan mədəni irsi Kapadokya Moda və Mədəniyyət Həftəsi çərçivəsində AFWEU Fashion Week Cappadocia-da (təşkilatçı -Aydın Açık) təqdim edilib.

Teleqraf.com xəbər verir ki, qonaqlara 30-dan artıq beynəlxalq dizayner kolleksiyaları təqdim olunub. Gülnarə Xəlilovanın orta əsrlərin eskizlərini, xalça naxışlarını, Qarabağın motivlərini, Azərbaycanın rəmzi olan nar, qurama, ipək işlərini əks etdirən iki kolleksiyası "Miniatür" və "Cizgi" qonaqların xüsusi marağına səbəb olmuş və alqışlarla qarşılanmışdır.

Qeyd edək ki, Gülnarə Xəlilova Azərbaycan Milli geyim mərkəzinin rəhbəri, Avrasiya etnodizaynçılar Assosiasiyasının üzvü, sənətşünaslıq üzrə fəlsəfə doktorudur, "Cizgi" brendinin sahibi. Kolleksiyaları ABŞ, İngiltərə, İsveç, Avstriya, Rumıniya, Türkiyə, Rusiya, Çin, Qazaxıstan, Qırğızıstan, Özbəkistan, Bolqarıstan, Norveç, Serbiya və digər ölkələrdə moda həftələrində və beynəlxalq tədbirlərdə uğurla nümayiş olunub.