Məşhur ifaçı öldü

Böyük Britaniyanın "Iron Maiden" qrupunun keçmiş solisti Pol Di'Anno 66 yaşında vəfat edib.

Teleqraf.com "Daily Mail"ə istinadən xəbər verir ki, musiqiçi Böyük Britaniyanın Solsberi şəhərindəki evində dünyasını dəyişib.

Di'Anno 1978-ci ildən 1982-ci ilə qədər məşhur qrupunun aparıcı müğənnisi olub. O, "Iron Maiden"in debüt albomunu çıxarıb. Daha sonra sənətçi karyerasını "Battlezone" və "Killers" qrupları ilə davam etdirib, həmçinin solo albomlar buraxıb. 2023-cü ildən musiqiçi səhhətində ciddi problemlər olduğu üçün əlil arabasında çıxış edib. Bir il yarım ərzində o, 100-dən çox konsert verib.