Meqan Fox ilə Brayan Ostin Grin ayrıldı

Hollivuddan şoka salan daha bir ayrılıq xəbəri gəldi.

Teleqraf.com xarici mətbuata istinadən xəbər verir ki, dünyanın ən seksual qadınlarından biri olaraq qəbul edilən Meqan Fox ilə əri Brayan Ostin Grin ayrılıb.

Bu barədə məlumatı "Us Weekly" yayıb. Cütlük gözəl aktrisanın karyera üstündə bir neçə dəfə mübahisə etdikləri və altı ay əvvəl ayrı yaşamağa başladıqlarını bildirilib.

Ayrılıq qərarını Meqan Foxun verdiyi də qeyd olunub.

Qeyd edək ki, 11 ildir birlikdə olan 42 yaşlı Brayan Ostin Grin ilə 29 yaşlı Meqan Fox 2010-cu ildə evlənmişdilər. Cütlüyün 2 yaşında Noah və 19 aylıq Bonn adında iki oğlu var.

Rüstəm