Ərdoğan: “AKP-də siyasi baronların yeri yoxdur”

Türkiyə Prezidenti Rəcəb Tayyib Ərdoğan istirahət üçün getdiyi Rizədə Ədalət və İnkişaf Partiyasının (AKP) rayon toplantısında çıxış edib.

Teleqraf.com xəbər verir ki, çıxışı zamanı Ərdoğan bəzi maraqlı məsələlərə toxunub:

“Millətini sevməyən şəxs AKP-də idarəçilik edə bilməz. 15, 20, 25 il əvvəlki siyasi baronların tərzi ilə AKP-də təsir qurmağa çalışan şəxslər qarşısında məni görəcəklər. Onların bizim partiyada yeri yoxdur. Partiyamızın qurulmasında əməyi olan hər kəsə borcluyuq”.

Ərdoğan 2019-cu il seçkisinin çətin keçəcəyini bildirib:

“Seçkilərdə qarşımıza psixoloji baryerlər çıxa bilər. 50 faiz səs toplamaq çox çətindir. 2019-cu il üçün daha çox çalışmağımız lazımdır”.