Biləsuvar sakini aptekdə vurulan iynədən sonra öldü

Biləsuvar rayon sakini qəflətən vəfat edib.

Teleqraf.com "Report"-a istinadən xəbər verir ki, rayonun Xırmandalı kənd sakini, 1990-ci il təvəllüdlü Muxtarov Niyaməddin Musa oğlu ürəyində olan ağrılarla əlaqədar aptekə yaxınlaşıb.

Şahidlərin sözlərinə görə, bu zaman ona iynə vurulub. Küçəyə çıxan N.Muxtarov qəflətən yerə dəyib. Daha sonra onun öldüyü məlum olub.

Onun meyidi müayinə olunması üçün rayon morquna təhvil verilib.

Faktla bağlı araşdırma aparılır.