Kəmaləddin Heydərov Zərdabda vətəndaşları qəbul edəcək

Fövqəladə hallar naziri Kəmaləddin Heydərov noyabrın 24-də Zərdab şəhərində, Zərdab Rayon Dövlət Yanğından Mühafizə Hissəsinin inzibati binasında saat 11.00-dan vətəndaşların qəbulu keçiriləcək.

Fövqəladə Hallar Nazirliyindən (FHN) Teleqraf.com-a verilən məlumata görə, qəbulda Zərdab, Ucar, Göyçay, Kürdəmir rayonlarının sakinləri və həmin rayonlarda məskunlaşmış məcburi köçkünlər iştirak edə bilərlər.

Qəbulda yalnız FHN-nin səlahiyyətlərinə aid müraciətlərə baxılacaq.

Qəbula gələn vətəndaşların qeydiyyatı Zərdab Rayon Dövlət Yanğından Mühafizə Hissəsinin inzibati binasında noyabrın 23-də saat 09.00-da başlayacaq.

Qəbula gələn vətəndaşlar şəxsiyyəti təsdiq edən sənəd təqdim etməlidirlər.