Taxılçılıqla bağlı müşavirə keçirildi - Foto

Kənd Təsərrüfatı Nazirliyində ölkədə taxılçılığın inkişafına həsr olunmuş növbəti müşavirə keçirilib.

Teleqraf.coma-un məlumatına görə, nazir İnam Kərimovun sədrliyi ilə keçirilən müşavirədə Meliorasiya və Su Təsərrüfatı ASC-nin rəhbərliyi, Kənd Təsərrüfatı Nazirliyi Aparatının, tabeli qurumların və taxıl əkini aparılmış rayonların Dövlət Aqrar İnkişaf Mərkəzlərinin rəhbərləri iştirak ediblər.

Müşavirədə 2019-cu ildə taxılçılığın mövcud vəziyyəti, görülmüş işlər ətrafında fikir mübadiləsi aparılıb, taxıl əkinində texnoloji xəritəyə riayət olunması, gübrə ilə təminat, suvarma, alaq otlarına qarşı mübarizənin təşkilinə dair hesabatlar dinlənilib.

Tədbirdə ölkədə taxılçılığın inkişafı məqsədilə qarşıya qoyulan vəzifələrə, məhsuldarlığın artırılması üçün görülən işlərə toxunulub.