Təhsil sahəsində çalışan bu işçilərin maaşı artırıldı

13 Avqust 2019 11:45

2 119

Təhsil Nazirliyinin Ərazi Maliyyə Hesablaşma Mərkəzinin işçilərinin aylıq vəzifə maaşları artırılıb.

Teleqraf.com-un məlumatına görə, bununla bağlı Nazirlər Kabinetinin “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərarında dəyişikliklər edilib.

Dəyişikliyə əsasən, Təhsil Nazirliyinin Ərazi Maliyyə Hesablaşma Mərkəzinin işçilərinin aylıq vəzifə maaşları artırılaraq aşağıdakı kimi olub:

Sıra №-si	Vəzifələrin adı	Aylıq vəzifə maaşı (manatla)
1.	Mərkəzin rəisi	790
2.	Mərkəzin rəisinin müavini	625
3.	Aparıcı məsləhətçi	460
4.	Məsləhətçi	455
5.	Avtomobil sürücüsü	320
6.	Kargüzar	295
7.	Xadimə	260

Eyni zamanda Bakı Şəhər İcra Hakimiyyətinin tabeliyindəki Bakı Şəhər Məktəbəqədər Təhsil Müəssisələri və Uşaq Evləri İdarəsinin işçilərinin də aylıq vəzifə maaşları artırılıb.

Bununla bağlı Nazirlər Kabinetinin “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərarında dəyişiklik edilib.

Dəyişikliyə əsasən, Bakı Şəhər Məktəbəqədər Təhsil Müəssisələri və Uşaq Evləri İdarəsinin işçilərinin aylıq vəzifə maaşları artırılaraq aşağıdakı kimi olub:

Sıra №-si	Vəzifələrin adı	Aylıq vəzifə maaşı (manatla)
1.	İdarə rəisi	720
2.	İdarə rəisinin müavini	520
3.	Baş mühasib, sektor müdiri	470
4.	Baş mühasibin müavini, baş məsləhətçi	445
5.	Metodiki Mərkəzin müdiri	430
6.	Aparıcı məsləhətçi	415
7.	Məsləhətçi	405
8.	Metodist	390
9.	Bölmə rəhbəri	375
10.	Böyük iqtisadçı, böyük mühasib	370
11.	Aparıcı mühasib	350
12.	İqtisadçı, mühasib, kompüter üzrə mütəxəssis	340
13.	Avtomobil sürücüsü	320
14.	Katibə-kompüter operatoru	295
15.	Xadimə, fəhlə	260