Tarixi hekayə müsabiqəsi elan edilib

Azərbaycanda Vətəndaş Cəmiyyətinin İnkişafına Yardım Assosiasiyasının 1905.az portalı ermənilərin Cənubi Qafqaza köçürülmələri, azərbaycanlıların məruz qaldıqları soyqırımlar, tarixi Azərbaycan torpaqlarında erməni dövlətinin yaranması və digər bu kateqoruyadan olan mövzularda “Tarixi hekayə müsabiqəsi” elan edir.

AVCİYA-dan Teleqraf.com-a verilən məlumata görə, 1905.az portalının direktoru Fuad Babayev bu haqda məlumat verərək müsabiqəyə təqdim ediləcək hekayələrin 1 noyabr 2014-cü ildən 31 yanvar 2015-ci ilə qədər [email protected] elektron ünvanına göndərilməli olduğunu bildirib.

Müsabiqədə Azərbaycan dilində yazılmış və indiyə qədər dərc edilməmiş əsərlər iştirak edəcək.
1905.az portalının direktoru müsabiqə haqqında əlavə məlumatın bu günlərdə saytda dərc ediləcəyini qeyd edib.

BƏXTİYAR