Çingiz Abdullayev qidadan zəhərlənib? - Rəsmi açıqlama

Azərbaycan Qida Təhlükəsizliyi Agentliyi (AQTA) Xalq yazıçısı Çingiz Abdullayevin səhhətində yaranan problemin qida qəbulu ilə əlaqəli olmadığını bildirib.

AQTA-dan Teleqraf.com-a verilən məlumata görə, Ç.Abdullayevin zəhərlənmə səbəbi ilə səhhətində problem yaranaraq xəstəxanaya yerləşdirilməsi barədə yayılan məlumatlar müvafiq qaydada araşdırılıb.

"Araşdırmalar nəticəsində müəyyən olunub ki, Xalq yazıçısının səhhətində yaranan problem qida qəbulu ilə əlaqəli deyil", - qeyd olunub.