4 min manatlıq quldurluq edənlər həbs olundu - Sumqayıtda

Sumqayıt şəhərində quldurluq hadisəsi baş verib.

Teleqraf.com xəbər verir ki, hadisə iyunun 14-də, gecə saat 03 radələrində Sumqayıt şəhərinin H.Z.Tağıyev qəsəbəsi ərazisində qeydə alınıb.

Naməlum şəxs Xızı rayon sakini Eldar Mirzəyevin idarə etdiyi “KamAZ” markalı avtomobilə çınqıl alacağı adı ilə oturub Yaşma bağlar sahəsinə gedib, orada digər maskalı 3 şəxslə birgə onu döyüb, əllərini yapışqanlı lentlə bağlayaraq 4000 manat pulunu alaraq hadisə yerini tərk edib.

Sumqayıt Şəhər Polis İdarəsinin 2-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində quldurluq cinayətini törətməkdə şübhəli bilinən şəhər sakini, əvvəllər məhkum olunmuş Vüsal Məsməliyev, Siyəzən rayon sakinləri Həsən Qasımov və Həbib Xalıqov tutulublar.

Hacı Zeynalov