“Oğlumu Moskvada girov götürüblər” - Ağdaş polisinə şikayət

Ağdaş rayonunda ana oğlunun girov götürülməsi ilə bağlı polisə məlumat verib.

Teleqraf.com xəbər verir ki, avqustun 21-də Ağdaş rayonunun Şəkili kənd sakini Mədinə Həsənova polisə müraciət edərək naməlum şəxsin zəng edərək Moskva şəhərində yaşayan oğlu Elşadı girov götürdüyünü və onun buraxılması müqabilində 10.000 manat pul tələb etdiyini bildirib.

Ağdaş rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən rayon sakinləri Elçin Yaqubov, Zəki Mirhəsənov, Yaşar Ağayev və Cavid Qeysov tutulublar.

Faktla bağlı araşdırma aparılır.

Hacı Zeynalov