İsmayıllıda sərnişin avtobusu qəzaya uğradı: 2 ölü, 17 yaralı

İsmayıllı rayonunda ağır yol-nəqliyyat hadisəsi baş verib.

Teleqraf.com xəbər verir ki, Qəbələ rayonundan Bakı istiqamətinə hərəkətdə olan “Ford Transit” markalı sərnişin mikroavtobusu qarşı tərəfdən gələn yük maşını ilə toqquşub.

Nəticədə iki nəfər aldığı xəsarətdən hadisə yerində ölüb, 17 nəfər yaralanıb.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Hacı Zeynalov