8 Sentyabr 2016 15:25
536

Fransada yaşayan “Azadlıq” qəzetinin baş redaktoru Qənimət Zahidin qardaşı oğlu Rüfət Zahidov və əmisi oğlu Rövşən Zahidov barəsində olan hökmdən apelyasiya şikayəti veriblər.

Sumqayıt Apelyasiya Məhkəməsindən Teleqraf.com-a verilən məlumata görə, Zahidovların şikayəti hakim icraatına verilib və məhkəmənin ilkin baxış iclası sentyabrın 9-na təyin olunub.

Bakı Ağır Cinayətlər Məhkəməsinin hökmü ilə təqsirləndirilən şəxslərin hər biri 6 il müddətinə azadlıqdan məhrum ediliblər.

Hər iki şəxs Cinayət Məcəlləsinin 234.4.1 (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə) maddəsi ilə ittiham olunur.

Hacı Zeynalov


Müəllif: