Bakıda iki avtomobil toqquşdu: 1 yaralı

Bakının Yasamal rayonunda ağır yol-nəqliyyat hadisəsi qeydə alınıb. Teleqraf.com xəbər verir ki, hadisə Abdulvahab Salamzadə küçəsində, körpünün üstündə qeydə alınıb.

“Qələbə” dairəsi istiqamətindən hərəkətdə olan “BMW” markalı avtomobil “Mazda” markalı maşınla toqquşub. Baş verən qəza zamanı bir nəfər yaralanıb.

Yaralı Namiq Zülfüqarov 1 saylı Şəhər Kliniki Xəstəxanasına yerləşdirilib. Ona tibbi yardım göstərilib.

Faktla bağlı araşdırma aparılır.

Hacı Zeynalov