Gürcüstandan gələn azərbaycanlıda telefon və siqaret aşkarlandı - Gömrük nəzarəti

Gürcüstandan Azərbaycana gələn şəxsin üzərində mobil telefonlar və siqaretlər aşkarlanıb.

Dövlət Gömrük Komitəsindən Teleqraf.com-a verilən məlumata görə, Tovuz Gömrük İdarəsinin "Sınıq Körpü" gömrük postunda Gürcüstandan gələn Azərbaycan vətəndaşının üzərində şəxsi yoxlama aparılıb.

Yoxlama nəticəsində həmin şəxsin gömrük nəzarətinə bəyan etmədiyi “Samsung Galaxy J1 Prime” markalı 3 mobil telefon və üzərində Azərbaycanın aksiz markası olmayan 980 ədəd “Marlboro” və “Parliament” markalı siqaretlər aşkar edilərək götürülüb.

Faktla bağlı araşdırma aparılır.

İlhamə ƏBÜLFƏT