Paytaxtda 27 yaşlı oğlan pul üstündə bıçaqlandı

Bakının Nəsimi rayonunda bıçaqlanma hadisəsi baş verib. Teleqraf.com xəbər verir ki, hadisə rayonun 20 yanvar dairəsinin yaxınlığında qeydə alınıb.

Bakı şəhər sakini, 1989-cu il təvəllüdlü Fərid Yusifov iki nəfər naməlum şəxs tərəfindən bıçaqlanıb. Fərid Yusifov xəstəxanaya yerləşdirilib, ona tibbi yardım göstərilib.

İlkin məlumata görə, hadisə pul üstündə baş verib. İki nəfər naməlum şəxs Fərid Yusifovdan pul istəyiblər. Fərid Yusifovun pulu olmadığını deyib. Bu zaman qanlı olay baş verib.

Faktla bağlı cinayət işi başlanıb.

Hacı Zeynalov