Masallıda məscid oğrusu ələ keçdi - RƏSMİ

Daxili İşlər Nazirliyi Masallı rayonunda məsciddə baş verən oğurluq hadisəsi ilə bağlı açıqlama yayıb.

Teleqraf.com xəbər verir ki, Masallı rayon polis şöbəsi əməkdaşlarının əməliyyat-axtarış tədbirləri nəticəsində yanvarın 8-də “Şeyx Səfi” məscidinin nəzir qutusundan 110 manat pul oğurlamaqda şübhəli bilinən Seybətin kənd sakini Ağahüseyn Həbibov tutulub.

Aparılmış əməliyytat tədbirləri ilə onun 2016-cı ilin oktyabr ayından cari il yanvarın 4-dək rayon ərazisindəki daha 5 məsciddən 85 manat pul və məişət əşyaları oğurladığı da müəyyən edilib.

Hacı Zeynalov