Daşkəsəndə 21 yaşlı oğlan bıçaqlandı –TƏFƏRRÜAT

Daşkəsən rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Mədənçilər qəsəbəsində qeydə alınıb.

Gəncə şəhər sakini, 1996-cı il təvəllüdlü Qara Budaqov mübahisə zəminində həmin qəsəbə sakini İlkin Cəfərov tərəfindən bıçaqlanıb.

Döş qəfəsinin kəsilmiş-deşilmiş yarası xəsarətləri alan Qara Budaqov xəstəxanaya yerləşdirilib. Əməliyyatdan sonra onun vəziyyəti orta ağır qiymətləndirilir.

Daşkəsən rayon polis şöbəsi əməkdaşları cinayəti törətməkdə şübhəli bilinən İlkin Cəfərovu tutublar. İlkin məlumata görə, hadisədən əvvəl gənclər yeyib-içiblər. Söyüş üstündə onların arasında mübahisə baş verib. Mübahisə qanlı cinayətlə nəticələnib.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov