Paytaxtda 33 yaşlı kişi bıçaqlandı

Bakının Yasamal rayonunda bıçaqlanma hadisəsi baş verib. Teleqraf.com xəbər verir ki, hadisə rayonun İnşaatçılar prospektində qeydə alınıb.

Bakı şəhər sakini, 1984-cü il təvəllüdlü Azər Mirzəyev naməlum şəraitdə bıçaqlanıb. O, bıçaq xəsarəti ilə xəstəxanaya yerləşdirilib.

Vaxtında tibbi yardım göstərildiyi üçün Azər Mirzəyevin həyatını xilas etmək mümkün olub. Vəziyyətinin ağır olduğu üçün onu dindirmək mümkün olmayıb.

Bu səbəbdən onun kimin tərəfindən və hansı səbəbdən bıçaqlandığı məlum deyil.

Faktla bağlı Yasamal rayon Polis İdarəsində araşdırma aparılır.

Hacı Zeynalov