Başına dəmir düşən fəhlə öldü

Bu gün günorta saatlarında Biləsuvar şəhərində bədbəxt hadisə baş verib. Teleqraf.com “Report”a istinadən xəbər verir ki, hadisə taxta-şalban sexində qeydə alınıb.

Rayonun Günəşli kənd sakini, həmin sexdə fəhlə işləyən 30 yaşlı Rövşən Bəybala oğlu Yaqubovun başına dəmir düşüb. Aldığı xəsarətdən beyninə qan sızan fəhlə Biləsuvar Rayon Mərkəzi Xəstəxanasına çatdırılıb.

Həkimlərin səyinə baxmayaraq onun həyatını xilas etmək mümkün olmayıb. Faktla bağlı araşdırma aparılır.