Şəmkirdə narkotik əməliyyatı

Şəmkir rayonunda narkotiklərlə bağlı əməliyyat keçirilib.

Teleqraf.com xəbər verir ki, Şəmkir rayon polis şöbəsi əməkdaşları tərəfindən Babək rayon sakini, 24 yaşlı Yasin Qəribov həbs edilib.

Yasin Qəribovdan 3 kiloqram 326,96 qram marixuana götürülüb.

İstintaqa ifadə verən Yasin Qəribov deyib ki, əvvəllər Türkiyə Respublikasında məhkumluq həyatı yaşayıb. Onun sözlərinə görə, 5 ay öncə Azərbaycana gəlib.

Şübhəli şəxs qeyd edib ki, narkotik vasitəni Gəncə şəhərində körpünün altından tapıb.

Faktla bağlı cinayət işi başlanıb.

Hacı Zeynalov